काठमाडौं । बर्दियामा आगोले जलेकी एक वृद्धाको मृत्यु भएको छ । राजापुर नगरपालिका–५, झप्टीकी अन्दाजी ७५ वर्षीया सोहनी थारुको मृत्यु भएको हो ।

बुधबार दिउँसो उनी सुत्ने कोठमा चिसोबाट जोगिन बालेको आगो सल्कँदा जलेर घाइते भएकी थिइन् । सोहनीले ओढेको ब्लांकेट आगोमा परेको थियो । त्यसबाट आगो सल्किएको थियो ।

घटनापश्चात् उपचारका निम्ति उनलाई बर्दिया अस्पताल हुँदै नेपालगन्ज ल्याइएको थियो । उपचारका क्रममा बिहीबार बिहान ४ बजे नेपालगन्जस्थित कान्ति आरोग्य अस्पतालमा उनको मृत्यु भएको जिल्ला प्रहरी कार्यालय बर्दियाका सूचना अधिकारी एवं डीएसपी तुल्सीराम अर्यालले जानकारी दिए ।

घटनाबारे थप अनुसन्धान भइरहेको प्रहरीले जनाएको छ ।