काठमाडौं । अटोमोबाइल्स एसोसिएसन अफ नेपालको ४७औँ वार्षिक साधरणसभाले करण चौधरीको अध्यक्षमा नयाँ केन्द्रीय कार्यसमिति गठन गरेको छ ।

पुस २० गते सम्पन्न साधारणसभाले १७ जना केन्द्रीय कार्यसमिति सदस्य सर्वसम्मतरूपमा निर्वाचित गरेको थियो ।

नाडाका निवर्तमान अध्यक्ष डा. ध्रुव थापासहित नयाँ कार्यसमितिको आज बसेको पहिलो बैठकले वरिष्ठ उपाध्यक्षमा आकाश गोल्छालाई चयन गरेको छ ।

नाडाको विधान २०७१ को संशोधित विधान, २०८० ले वरिष्ठ उपाध्यक्ष सोझै अध्यक्ष हुने व्यवस्था गरेको छ ।

यस्तै, नाडाको उपाध्यक्षमा राजनबाबु श्रेष्ठ र निराकार श्रेष्ठ रहेका छन् । संस्थागत उपाध्यक्षमा पुष्कर ओझा र तेजनारायण साह चयन भएका छन् ।

यस्तै, कार्यसमितिले महासचिवमा सुरेन्द्रकुमार उप्रेती, सचिवमा विक्रम सिंहानिया, कोषाध्यक्षमा मिलनबाबु मल्ल, सहकोषाध्यक्षमा पंकज अग्रवाललाई निर्वाचित गरेको छ ।

कार्यसमितिको बैठकले संस्थागत सदस्यमा सञ्जयकुमार श्रेष्ठ, कुलबहादुर क्षेत्री, कृष्णप्रसाद श्रेष्ठ, गणेशप्रसाद भट्टराई, भद्र भण्डारीलाई निर्वाचित गरेको छ ।

नाडाको केन्द्रीय कार्यसमिति सदस्य पदमा सुनिल रिजाल, प्रकाश कपुरी, कपिल शिवाकोटी, प्रदिपमान प्रधान, यमुना श्रेष्ठ, संजयकुमार खेतान, नवराज भुषाल, ऋद्धि कार्की, दिपेन्दकुमार मिश्र, र सौरभ थापा निर्वाचित भएका छन् । 

केन्द्रीय कार्य समितिको सदस्य पदमा मेघराज पौडेल, निलमणी पाठक र सोहन श्रेष्ठ पनि मनोनीत भएका छन् ।