काठमाडौं । संगीतकार न्ह्यू बज्राचार्यले नयाँ गीत सार्वजनिक गरेका छन् । आफ्नै स्वरमा रहेको गीत न्ह्यूले सार्वजनिक गरेका हुन् । 

‘म पनि’ बोलको गीतमा गोपाल प्याकुरेल को शब्दरचना छ । न्ह्यू स्वयंको संगीत रहेको छ । 

गीतको भिडियो पनि तयार पारिएको छ । तर भिडियोमा कसैको पनि मुहार स्पष्ट देखाइएको छैन । पृष्ठभूमिमा न्ह्यूू गीतार बजाएर गीत गाइरहेको देखाइएको छ । 

‘ट्युन’ मिलेका न्ह्यू

थाहै नपाइ बसेको प्रेमपछि दुवै प्रेमी प्रेमिको हालत करिब–करिब उस्तै हुने सन्दर्भलाई गीतले चित्रण गरेको छ ।  

गीतः– 
म पनि त यता हेर त्यसै बसेछु 
उड्दाउड्दै नजानिदै तलै खसेछु ।

आफैलाई खोज्दैजाँदा बाटो भुलेछु 
बेहोसीमा तिम्रो माया मनमा लिएछु 
म पनि त यता हेर कस्तो भएछु 
त्यता पनि त्यस्तै होला कस्तो भएछु ।

जस्तो त्यता उस्तै यता अन्तै गएछु 
पहरोमा अल्झिएको फूल भएछु 
म पनि त तिमीजस्तै एक्लै रहेछु 
नदेखिने नबुझिने मान्छे भएछु ।