काठमाडौं । वरिष्ठ पत्रकार गोकुलप्रसाद पोखरेलको निधन भएको छ । उनको ८७ वर्षको उमेरमा सोमबार निधन भएको हो ।

धनकुटाको कचिँडेमा जन्मिएका पोखरेल दमबाट पीडित थिए । उनको अन्त्येष्टि मंगलबार मात्र गरिने छ ।

पोखरेल नेपाल प्रेस इन्स्टिच्युटका संस्थापक सदस्य सचिव पनि हुन् । उनी गोरखापत्र दैनिकको कामु सम्पादक पनि भएका थिए ।

राष्ट्रिय समाचार समितिका सम्पादकसमेत भएका पोखरेल राष्ट्रिय मानव अधिकार आयोगको सदस्य पनि भएका थिए ।