काठमाडौं । अमेरिकामा एप्पलको नयाँ स्मार्ट वाचको बिक्री वितरणमा रोक लगाइएको छ ।

अमेरिकी अन्तर्राष्ट्रिय व्यापार आयोगले अर्कै कम्पनीका नाममा रहेको पेटेन्ट उल्लंघन गरेको भन्दै एप्पल वाचको बिक्रीमा रोक लगाएको थियो ।

उक्त निर्णयलाई उल्टाउन अमेरिकी राष्ट्रपति जो बाइडेनले हस्तक्षेप गर्न सक्ने अपेक्षा गरिएको थियो । बाइडेनले त्यसो नगरेसँगै अमेरिकामा एप्पल वाचको रिरिज ९ र  एप्पल वाच अल्ट्राको बिक्री रोकिएको हो ।

एप्पलले पहिले नै आफ्नो अनलाइन स्टोरबाट यस्ता मोडेलका घडीको बिक्री रोकेको थियो ।

मंगलबारदेखि एप्पल स्टोरमा यी नयाँ घडीको बिक्रीमा रोकिएको छ ।

अमेरिकी अन्तर्राष्ट्रिय व्यापार आयोगले बिक्रीमा रोक लगाएकोमा एप्पल वाच सिरिज ६ र त्यसपछिका सिरिज रहेका छन् । यस्तो एप्पल वाच अल्ट्राका सबै मोडेललाई पनि पेटेन्ट उल्लंघन गरेको आरोप लागेको छ ।

एप्पल वाच एसई भने यसमा परेको छैन र बिक्रीमा राखिएको छ ।

गत अक्टोबरमा अमेरिकी अन्तर्राष्ट्रिय व्यापार आयोगले एप्पलले रगतमा अक्सिजनको मात्रा मापन गर्न प्रयोग गरेको प्रकाशमा आधारित प्रविधि बनाउन पल्स अक्सिमिटरको प्याटेन्टको उल्लंघन गरेको फैसला गरेको थियो ।

चिकित्सा उपकरण निर्माता कम्पनी मासिमोसँग यसको पेटेन्ट रहेको छ ।

सीएनएनबाट ।