site stats
बाह्रखरी :: Baahrakhari
राजनीति
Global Ime bankGlobal Ime bank
एमालेले नेकपाको इतिहास लेख्ने, कार्यदलले थाल्यो काम

काठमाडौं । एमालेले नेपाल कम्युनिट पार्टी (नेकपा) को इतिहास लेख्ने भएको छ । वरिष्ठ उपाध्यक्ष ईश्वर पोखरेलको नेतृत्वमा बनेको कार्यादलले २००६ सालमा स्थापना भएको नेकपाको विषयमा दस्तावेज तयार गर्न लागेको हो । 

कार्यदलमा सांसद तथा पोलिटब्युरो सदस्य सूर्य थापा, केन्द्रीय सदस्य विष्णु रिजाल र लेखकहरू शार्दुल भट्टराई र वासुदेव अधिकारी सदस्य छन् । कार्यदलले काम सुरु गरेको छ । सोही विषयमा आज अध्यक्ष केपी शर्मा ओलीसँग छलफल गरेको छ । 

कम्युनिस्ट पार्टी स्थापनाको ७५ वर्ष पुगेको अवसरमा हिरक जयन्ती मनाउने निर्णय एमालेले गरिसकेको छ । सोही अवसरमा आधिकारिक इतिहास लेख्न लागिएको रिजालले जानकारी दिए । 

“हिरक महोत्सव मनाउने निर्णय भएको थियो । यो वर्ष विभिन्न काम गर्दै छ । कम्युनिस्ट आन्दोलनको आधिकारिक इतिहास लेखिएको छैन । विभिन्न समयमा केही व्यक्तिहरूले लेखेको त छुट्टै छ । त्यसैले हामी आधिकारिक दस्तावेज तयार गर्दै छौँ,” उनले भने ।

दस्तावेजमा २००६ सालमा स्थापन भएदेखिको विषय उल्लेख गरिने छ । “एमाले नै २००६ सालको नेकपाको आधिकारिक उत्तराधिकारी हो । त्यो बेलापछि विभाजन, संसद् सरकारमा हाम्रो भूमिकालगायतको विषय समेट्ने छौँ,” रिजालले भने ।

प्रकाशित मिति: शुक्रबार, पुस ६, २०८०  १७:५३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro