काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले काठमाडौं जिल्ला अदालतले जारी गरेको पक्राउ पुर्जीको विरोधमा आन्दोलन गर्ने भएको छ ।

अदालतबाट सो पार्टीका महासचिव ‘विप्लव’, प्रवक्ता खड्गबहादुर विश्वकर्मा ‘प्रकाण्ड’, माइला लामालगायत नेताका नाममा पक्राउ पुर्जी जारी गरिएको छ ।

आन्दोलनअन्तर्गत मंगलबार मसाल जुलुस, बुधबार न्यायाधीशको पुतला दहन र आउँदो बिहीबार देशव्यापी प्रदर्शन गरिने विप्लवद्वारा जारी विज्ञप्तिमा उल्लेख छ ।