काठमाडौं । हमास र इजरायलबीचको मानवीय युद्धविराम लागु भएपछि लेबनानको दक्षिणी सीमा क्षेत्रमा अनिश्चितकालीन शान्ति फर्किएको छ ।

इजरायली आक्रमण र बमबारीका कारण सीमावर्ती गाउँ एल–जिब्बिनमा धेरै लेबनानीले आफ्नो गृहनगर छोडेका थिए । उनीहरू आफ्नो सम्पत्ति के–के बाँकी छ भनेर जाँच्न मात्र फर्किएका बताइएको छ ।

गाजामा चार दिनको युद्धविराम भएकाले उनीहरू सुर्तीबाली जाँच गर्न फर्किएका हुन् । आफूहरू किसान भएकाले युद्धविरामको समयमा बाली हेर्न फर्किएको उनीहरूको भनाइ छ । परिस्थिति राम्रो नभएसम्म आफूहरू नफर्कने उनीहरूले बताए । सिन्ह्वा/न्युज एजेन्सी नेपाल