काठमाडौं । भारतीय स्टार्टअप कम्पनी एस्ट्रोटकका सीईओ पुनीत गुप्ताले अस्ट्रेलियाविरुद्धको विश्वकपको फाइनलमा भारत विजयी भए प्रयोगकर्तालाई १०० करोड भारतीय रुपैयाँ बाँड्ने घोषणा गरेका छन् ।

सामाजिक सञ्जाल लिंक्डइनमा एक पोस्ट लेख्दै उनले यस्तो घोषणा गरेका हुन् ।

गुप्ताले यो रकम सबै प्रयोगकर्तालाई समानरूपमा वितरण गरिने बताएका छन् । रकम प्रयोगकर्ताको एप वालेटमा जम्मा हुने छ ।

यो घोषणासँगै धेरैले खुसी व्यक्त गरेका छन् । कतिपयले राम्रो मार्केटिङ रणनीति भएको टिप्पणी गरेका छन् ।

हरेक प्रयोगकर्ताको भागमा कति रकम पर्ने छ भन्ने विषयमा उनले १०० करोड रुपैयाँलाई कुल प्रयोगकर्ताको संख्याले भाग गर्दा थाहा हुने बताएका छन् ।

विवानबाट ।