काठमाडौं । झापाको कन्काई नगरपालिका–९, मन्त्रिबारीस्थित भित्रि सडकखण्डमा मोटरसाइकल दुर्घटना हुँदा एकजनाको मृत्यु भएको छ ।

सोमबार राति साढे ११ बजे उत्तरबाट दक्षिणतर्फ जाँदै गरेको प्र २–०३–०१५ प ४०७८ नम्बरको मोटरसाइकल आफैँ अनियन्त्रित भइ दुर्घटना भएको जिल्ला प्रहरी कार्यालय झापाले जनाएको छ ।

दुर्घटनामा मृत्यु हुनेमा मोटरसाइकल चालक स्थानीय ४० वर्षीय संजय साह रहेका छन् । गम्भीर घाइते भएका  उनलाई उपचारको लागि बिर्तासिटी अस्पताल बिर्तामोड लगिएकोमा अस्पताल पुर्‍याउनासाथ डाक्टरले मृत घोषित गरेका थिए ।