site stats
बाह्रखरी :: Baahrakhari
खेल
Global Ime bankGlobal Ime bank
सिटी अन्तिम दुई खेलअगावै अन्तिम–१६ मा 

काठमाडौं । साविक विजेता म्यानचेस्टर सिटीले समूह चरणको अन्तिम दुई खेलअगावै यूईएफए च्याम्पियन्स लिगको अन्तिम–१६ मा स्थान बनाएको छ ।

मंगलबार १० खेलाडीमा सीमित योङ ब्वाइजविरुद्ध ३–० को जित निकाल्दै सिटी अन्तिम–१६ मा पुग्ने पहिलो टिम बनेको हो । घरेलु मैदान इत्तिहादमा सिटीलाई जित दिलाउन एर्लिङ हाल्यान्डले दुई गोल गरे । फिल फोडेनले एक गोल थपे । 

खेलको २३औँ मिनेटमा हाल्यान्डले पेनाल्टीमा गोल गर्दै सिटीलाई अग्रता दिलाएका थिए । पहिलो हाफमा इन्जुरी समयमा फोडेनले गोल गर्दै सिटीको अग्रतालाई दोब्बर पारे । यस्तै, हाल्यान्डले ५१औँ मिनेटमा टिमका लागि तेस्रो गोल गरे । 

खेलको ५३औँ मिनेटमा योङ ब्वाइजका सान्ड्रो लौपेरले रातो कार्डको सामना गरेका थिए ।

समूह ‘जी’ मा चार खेलबाट चार जितसहित १२ अंक जोडेको सिटी तालिकाको शीर्ष स्थानमा छ । पुछारको योङ ब्वाइजले एक अंक जोडेक छ । 

मंगलबार नै भएको समूहको अर्को खेलमा आरबी लाइपजिगले सर्भेना जभेज्डालाई २–१ ले हराएको छ । 

जितसँगै चार खेलबाट नौ अंक जोडेको लाइपजिग तालिकाको दोस्रो स्थानमा छ । समान खेलबाट एक अंक जोडेको जभेज्डा तालिकाको तेस्रो स्थानमा छ ।

प्रकाशित मिति: बुधबार, कात्तिक २२, २०८०  १०:१०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro