काठमाडौं । जाजरकोट केन्द्रविन्दु भएर शुक्रबार राति गएको ६.४ म्याग्निच्युडको भूकम्पमा परी घाइते भएका मध्ये सातजनालाई थप उपचारका निम्ति काठमाडौं ल्याइँदै छ ।

नेपाल एयरलाइन्सको उडानमार्फत उनीहरूलाई काठमाडौं ल्याउन लागिएको नेपाल प्रहरीले जनाएको छ ।

शुक्रबार राति ११ः४७ बजे जाजरकोटको रामीडाँडामा केन्द्रविन्दु भएर भूकम्प गएको थियो । भूकम्पका कारण संरचना भत्कँदा जाजरकोट र रुकुम पश्चिममा १६६ जना घाइते भएका छन् ।

भूकम्पका कारण संरचना भत्कँदा हालसम्म १३८ जनाको मृत्यु भएको प्रहरीले जनाएको छ ।