site stats
बाह्रखरी :: Baahrakhari
खेल
Global Ime bankGlobal Ime bank
दक्षिण अफ्रिकाविरुद्ध नेदरल्यान्ड्स ३८ रनले विजयी

काठमाडौं । आईसीसी एकदिवसीय विश्वकपमा नेदरल्यान्ड्सले दक्षिण अफ्रिकाविरुद्ध ३८ रनको जित निकालेको छ ।मंगलबार भारतको धर्मशालास्थित हिमान्चल प्रदेश क्रिकेट संघ रंगशालामा नेदरल्यान्ड्सले प्रस्तुत गरेको २४६ रनको लक्ष्य पछ्याउने क्रममा दक्षिण अफ्रिकाले ४२.५ ओभरमा सबै विकेट गुमाएर २०७ रनमात्र बनाउन सक्यो ।

दक्षिण अफ्रिकाका डेविड मिलर र केशव महारेजले क्रमशः ४३ र ४० रन जोडे । हेनरिक क्लासेनले २८, गेराल्ड कोएट्जीले २२ र कप्तान टेम्बा बवुमाले २० रन थपे । 

नेदरल्यान्ड्सका लोगान भान विकले तीन विकेट लिए । पाउल भान मिकेरेन, रोइलोफ भान डेर मेर्वे र बास डे लिडेले समान दुई विकेट लिए । कोलिन अकरमनले एक विकेट हात पारे ।

त्यसअघि टस हारेर ब्याटिङको निम्तो पाएको नेदरल्यान्ड्सले निर्धारित ४३ ओभरमा आठ विकेट गुमाएर २४५ रनको योगफल तयार पारेको थियो । वर्षाका कारण टसमा ढिलाइ भएपछि खेललाई ४३ ओभरमा झारिएको हो । 

नेदरल्यान्ड्सका कप्तान स्कट एड्वार्डले ६९ बलमा १० चौका र एक छक्कासहित अविजित ७८ रन बनाएका थिए । रोइलोफ भान डेर मेर्वे २९, आर्यन दत्तले अविजित २३ र तेजा निदामनुरुले २० रन जोडे ।

दक्षिण अफ्रिकाक लुङ्गी एनगिडी, मार्को जेनसन र कागिसो रबाडाले समान दुई विकेट लिए । यस्तै, गेराल्ड कोएट्जी र केशव महाराजले एक/एक विकेट लिए ।

प्रतियोगितामा नेदरल्यान्ड्सको यो पहिलो जित हो । दक्षिण अफ्रिकाको भने यो पहिलो हार हो । जितसँगै तीन खेलबाट दुई अंक जोडेको नेदरल्यान्ड्स तालिकाको नवौं स्थानमा उक्लिएको छ । समान खेलबाट चार अंक जोडेको दक्षिण अफ्रिका तेस्रो स्थानमा छ । 

प्रकाशित मिति: बुधबार, कात्तिक १, २०८०  ०८:०७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro