काठमाडौं । स्वास्थ्य बिमा बोर्डको निमित्त कार्यकारी निर्देशकको जिम्मेवारी डा. मदन उपाध्यायलाई दिइएको छ ।

स्वास्थ्य तथा जनसंख्यामन्त्री मोहनबहादुर बस्नेतले सोमबार उनलाई कार्यकारी निर्देशकको जिम्मेवारी दिने निर्णय गरेका हुन् ।

डा. उपाध्याय मन्त्रालयको गुणस्तर मापन तथा नियमन महाशाखा प्रमुख हुन् ।

आफूलाई साविकको जिम्मेवारीसँगै बोर्डको निमित्त कार्यकारी निर्देशकको पद थपिएको उनले बताए ।

यसअघि, सरकारले गत २४ असोजमा बोर्डका कार्यकारी निर्देशक डा. दामोदर बसौलालाई तीन महिनाका लागि निलम्बन गरेको थियो ।