काठमाडौं । लक्ष्मी सनराइज बैंकले सामाजिक उत्तरदायित्वअन्तर्गत असहाय बालबालिकाको संरक्षणमा कार्यरत देशभरीका संस्थाहरूसँग सहकार्य गरी सहयोग प्रदान गरेको छ । बैंकले देशभरका यस्ता संस्थासँग सहकार्य गरी ४०० भन्दा बढी बालबालिकालाई सहयोग गरेको जानकारी दिइएको छ ।

बैंकले नेपाल बाल संगठनअन्तर्गत पाँचखाल, दोलखा र भीमफेदीमा रहेका बालबालिकालाई नयाँ कपडा प्रदान गर्नुका साथै नक्सालस्थित बालमन्दिरलाई पनि आवश्यक खाद्यान्न सामाग्री हस्तान्तरण गरेको हो ।

यसैगरी बैंकले कोसी प्रदेशको उर्लाबारीमा नमुना बालगृह र इटहरीमा हेल्पलेस चिल्ड्रेन वाल्फर मिसन, मधेस प्रदेशको गरुडामा बन्सिलाल जैसवाल अनाथालय, वाग्मती प्रदेशको हेटौंडामा मामाघर नेपाल, गण्डकी प्रदेशको पोखरामा रहेको रान्बो चिल्डेन होम नेपालका बालबालिकालाई खाद्यान्न सामग्री हस्तान्तरण गरेको छ । 

त्यस्तै, लुम्बिनी प्रदेशको कोरीहवाको अविनाश आश्रम, कर्णाली प्रदेशको वीरेन्द्रनगरमा रहेको न्यू लाइफ चिल्डेनस् हेभनलगायत सुदूरपश्चिमको धनगढीमा रहेको आमाको माया छात्रबासमा पनि सामाग्री प्रदान गरेको बताइएको छ ।