site stats
बाह्रखरी :: Baahrakhari
खेल
Global Ime bankGlobal Ime bank
रिजवान र सफिकको शतकमा श्रीलंकाविरुद्ध पाकिस्तानको कीर्तिमानी जित 

काठमाडौं । मोहम्मद रिजवान र अब्दुल्लाह सफिकको शतकप्रेरित पाकिस्तानले आईसीसी एकदिवसीय विश्वकपमा श्रीलंकाविरुद्ध ६ विकेटको कीर्तिमानी जित निकालेको छ । 

रिजवान र सफिले शतक बनाएपछि मंगलबार राजीव गान्धी अन्तर्राष्ट्रिय रंगशालामा सम्पन्न खेलमा श्रीलंकाले प्रस्तुत गरेको ३४५ रनको लक्ष्य पाकिस्तानले ४८.२ ओभरमा चार विकेट गुमाएर पूरा गर्‍यो ।

विश्वकपको इतिहासमा कुनै पनि टिमले सफलतापूर्वक पूरा गरेको यो नै अहिलेसम्मकै ठूलो लक्ष्य हो ।

यसअघि सन् २०११ को विश्वकपमा आयरल्यान्डले इङ्ल्यान्डले दिएको ३२८ रनको लक्ष्य पूरा गर्दै यो कीर्तिमान बनाएको थियो ।

पाकिस्तानको जितमा मोहम्मद रिजवानले अविजित १३१ रन बनाए । एकदिवसीय विश्वकपमा पहिलो शतक बनाएका रिजवानले १२१ बलमा आठ चौका र तीन छक्का प्रहार गरे । 

३७–२ को कठिन अवस्थामा रहँदा रिजवानले तेस्रो विकेटका लागि ओपनर सफिकसँग १७६ रनको साझेदारी गर्दै पाकिस्तानलाई जितउन्मुख गराएका थिए । 

रिजवानअघि शतक बनाएका सफिकले १०३ बलमा १० चौका र तीन छक्का प्रहार गरे । एकदिवसीय विश्वकपमा सफिकको पनि यो पहिलो शतक हो । 

साउद सकिलले ३० बलमा दुई चौकासहित ३१ रन बनाए । इमाम उल हकले १२ रन थपे । पाकिस्तानका कप्तान बाबर आजम भने यो खेलमा पनि जम्न सकेनन् । उनी १५ बलमा एक चौकासहित १० रन बनाएर पभेलियन फर्किए । 

अन्त्यमा रिजवानसँगै अविजित रहेका इफ्तिखर अहमेदले १० बलमा चार चौकासहित २२ रन बनाए । 

श्रीलंकाका दिल्सान मदुसन्काले दुई विकेट लिदा महिष थिक्षणा र मथिसा पथिरानाले समान एक विकेट लिए ।

त्यसअघि टस जितेर ब्याटिङमा आएको श्रीलंकाले पनि दुई ब्याटरको सहयोगमा निर्धारित ५० ओभरमा नौ विकेट गुमाएर ३४४ रनको योगफल खडा गरेको थियो । 

विश्वकपको इतिहासमा पहिलो एक्कै खेलमा चार ब्याटरले शतक बनाएको यो पहिलोपटक हो । 

श्रीलंकाका कुशल मेन्डिसले ७७ बलमा १४ चौका र ६ छक्कासहित १२२ रन बनाएका थिए । सदिरा समराविक्रमाले ८९ बलमा ११ चौका र दुई छक्कासहित १०८ रन बनाए । 

ओपनर पथुम निसान्काले ५१ रन थपे । धनन्जय डी सिल्भाले २५, कप्तान दासुन सनाकाले १२ र दुनिथ वेलालागेले १० रन बनाए । 

पाकिस्तानका हसन अलिले चार विकेट लिए । १० ओभर बलिङ गरेका अलिले ७१ रन खर्चिए । ह्यारिस रौफले दुई विकेट लिदा साहिन साह अफ्रिदी, सदाब खान र मोहम्मद नवाजले समान एक विकेट लिए । 

भारत अक्टोबर ५ देखि सुरु भएको विश्वकपमा पाकिस्तानको यो लगातार दोस्रो जित हो । पाकिस्तानले यसअघि पहिलो खेलमा नेदरल्यान्ड्सलाई ८१ रनले हराएको थियो । दुई खेलबाट ४ अंक जोडेको पाकिस्तान तालिकाको दोस्रो स्थानमा उक्लिएको छ । 

श्रीलंकाको भने यो लगातार दोस्रो हार हो । श्रीलंका यसअघि पहिलो खेलमा दक्षिण अफ्रिकाविरुद्ध १०२ रनले पराजित भएको थियो ।

प्रकाशित मिति: मंगलबार, असोज २३, २०८०  २२:४४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro