काठमाडौं । नबिल बैंकले बिल्डिङ इनर्जी इफिसियन्सी इन नेपाल (बीईईएन–प्रोजेक्ट)सँग एक समझदारी पत्र (एमओयू)मा हस्ताक्षर गरेको छ । इनर्जी इफिसियन्सी इन नेपाल उर्जामैत्री र दिगो आवासको प्रवर्द्धन लागि युरोपियन युनियन (ईयू)को सहयोगमा सञ्चालित योजना हो ।
सम्झौतासँगै नबिल बैंक र बीईईएन–प्रोजेक्ट नेपालमा दिगो र जलवायु अनुकूल भवन डिजाइनको प्रवर्द्धनमा काम गर्न सहमत भएका छन् ।
नबिल बैंकका प्रमुख कार्यकारी अधिकृत (सीईओ) ज्ञानेन्द्रप्रसाद ढुंगाना र बीईईएन–प्रोजेक्टका योजना प्रमुख ड्यानियल नेयरले एमओयूमा हस्ताक्षर गरेका थिए ।
ऊजौमैत्री एवं दिगो भवन निर्माणले वातावरणमा फाइदा गर्ने मात्र नभएर, समुदाय र आर्थिक चक्रमा समेत सकारात्मक प्रभाव पार्ने विश्वास गरिएको छ ।
दिगो आवासको प्रवर्द्धन र सचेतनाका लागि नबिल बैंकले ‘सस्टेनेबल हाउसिङ लोन’ ल्याएको छ । यस्तै, बीईईएनले यस किसिमका आवासीय भवन निमार्णका लागि प्राविधिक सहायता प्रदान गर्नेछ ।
