काठमाडौं । अभिनेता दयाहाङ राई र सौगात मल्लको मुख्य भूमिका रहेको चलचित्र ‘हात्तीछाप’को पोस्टर सार्वजनिक गरिएको छ ।  

चलचित्रका मुख्य कलाकारलाई समेटेर निर्माण टिमले दुईवटा पोस्टर सार्वजनिक गरेको हो । एउटामा सौगात मल्ल बन्दुक काँधमा राखेर घोडामाथि सवार छन् । दयाहाङले पाडो बोकेको देखिन्छ । उनको साथमा अभिनेत्री उपासना सिंह ठकुरी छिन् । 

दोस्रो पोस्टरमा सौगात, दयाहाङ र उपासनाको साथमा वेनिशा हमाल, विजय बराल, बुद्दि तामाङ र विल्सन विक्रम राई पनि फिचर्ड छन् । 

चलचित्रमा कमलमणी नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपानेलगायत कलाकारको अभिनय छ । 

सिमोस सुनुवारले निर्देशन गरेको ‘हात्तीछाप’ माघ २६ गतेबाट प्रदर्शनमा आउँदै छ ।