काठमाडौं । एमजी गाडीको नेपालका लागि आधिकारिक वितरक पारामाउन्ट मोटर्सले भक्तपुरको गठ्ठाघरमा नयाँ सोरुम सञ्चालनमा ल्याएको छ । 

शुक्रबार प्यारामाउन्ट मोटर्सका महाप्रबन्धक सचिन अर्यालले सोरुम उद्घाटन गरेका हुन् ।

यससँगै नेपालभर फैलिएका १३ वटा आउटलेटको सञ्जालमा एउटा नयाँ थपिएको छ । यसले ‘एमजी ओनरसिप एक्सपेरिएन्स’ बढाउने र ग्राहकप्रतिको प्रतिवद्धतालाई झनै प्रष्ट्याउने कम्पनीले जनाएको छ ।

सोरुम उद्घाटनका क्रममा बोल्दै प्यारामाउन्ट मोटर्सका महाप्रबन्धक अर्यालले “दोस्रो एमजी सोरुमको उद्घाटनले ग्राहकहरूका लागि अतुलनीय सेवा र महत्वपूर्ण ‘अनरसिप अनुभव’ प्रदान गर्ने प्रतिबद्धतालाई प्रष्ट पारेको,” बताएका छन् । कम्पनीले बिक्री पश्चताको सेवा र सपोर्टका लागि आफ्नो प्रतिवद्धता थप बढेको बताएको छ ।

हाल एमजीले कमेट ईभी, एमजी४ ईभी र एमजी जेडएस ईभी उपलब्ध रहेको जनाएको छ ।

दुई भेरियन्टमा रहेको कमेट ईभीको पेस भेरियन्टको मूल्य १७ लाख ९९ हजार रुपैयाँ रहेको छ भने, प्लेको मूल्य २० लाख ९९ हजार रुपैयाँ रहेको छ ।

यस्तै, एमजी४ ईभी कम्फर्टको मूल्य ४१ लाख ४९ हजार रुपैयाँ रहेको छ भने, लक्जरीको मूल्य ५८ लाख ९९ हजार रुपैयाँ रहेको छ ।

यस्तै, एमजी जेडएस डिलक्सको मूल्य ५२ लाख ९९ हजार रुपैयाँ रहेको छ ।

कम्पनीले हाल देशभर एसी र डीसी गरी १९ वटा एमजी चार्जिङ स्टेसन रहेको र सन् २०२३ को अन्त्यसम्म चार्जिङ स्टेसनको संख्या ५० पुऱ्याउने लक्ष्य रहेको बताएको छ । यी स्थानमा गाडीलाई ३० मिनेटमै ८० प्रतिशत चार्ज गर्न सकिने कम्पनीले जनाएको छ ।