काठमाडौं । नेकपा एमालेका प्रमुख सचेतक महेश बर्तौलाले गभर्नर भन्ने पद कुनै दलको नहुने बताएका छन् । सरकारले उपयुक्त समयमा उपयुक्त पात्रलाई नियुक्त गर्ने उनले जानकारी दिए ।

राष्ट्र बैंकको गभर्नर नियुक्तिका विषयमा सत्तारुढ दलभित्र कुनै मतभेद नरहेको उनको दाबी छ । केही दिनभित्रै नियमित प्रक्रियाबाट सरकारले गभर्नर नियुक्त गर्ने उनले बताए । 

शुक्रबार संसद भवन बानेश्वरमा सञ्चारकर्मीसँग कुरा गर्दै बर्तौलाले गभर्नर नियुक्तिमा केही ढिलाइ भए पनि यो विषयमा सत्तारुढ दलभित्र कुनै मतभेद नरहेको बताएका हुन् । 

फरक प्रसंगमा बर्तौलाले संविधानविपरीत गतिविधि गर्ने जो–कोहीलाई पनि कानुनी दायरामा ल्याउनुपर्ने उल्लेख गरे ।