काठमाडौं । काठमाडौंको हनुमानढोकामा बुधबार सामूहिक कुमारी पूजा गरिएको छ । रातो पहिरन लगाएर कुमारीको भेषमा बालिकाहरू बिहानै कुमारी पूजा गर्न हनुमानढोका आएका थिए । 

नेवार समुदायमा प्रायः जस्तो आठ वर्षसम्मका बालिकालाई कुमारी देवी स्वरूप पूजा गरिन्छ । नेवारी परम्पराअनुसार कुमारी पूजा गर्नाले बालिका स्वास्थ्य रहने, समृद्धि प्राप्त हुने साथै सुख हुने धार्मिक विश्वास रहेको छ ।