काठमाडौं । नेपाली कथानक चलचित्र ‘पशुपतिप्रसाद–२ : भष्मे डन’को गीत रिलिज गरिएको छ । 

सार्वजनिक ‘प्रेम शरणम...’ बोलको गीतमा कालीप्रसाद बास्कोटा र स्वस्तिका ढकालको स्वर छ । कृष्ण भारध्वजको संगीत रहेको गीतमा शब्दरचना सुशील पौडेल र कृष्ण भारध्वजको छ । 

गीतमा चलचित्रका मुख्य पात्र विपीन कार्की, स्वस्तिमा खड्कालगायत कलाकार फिचर्ड छन् । 

दीपेन्द्र के खनालको निर्देशन रहेको चलचित्रमा खगेन्द्र लामिछानेको लगानी छ । 

दसैँको फूलपातीका दिन रिलिज हुने चलचित्रमा विपीन र स्वस्तिमासँगै सौगात मल्ल, वर्षा शिवाकोटी, सजन थापा मगर, प्रकाश घिमिरेलगायत कलाकार मुख्य भूमिकामा छन् ।