काठमाडौं । प्रतिनिधिसभाअन्तर्गतको अर्थ समितिको बैठक बिहीबार कोरम नपुगेका कारण बस्दै नबसी स्थगित गरिएको छ । नियमावलीअनुसार बैठक सुरु हुने निर्धारित समयभन्दा पछाडि एक घण्टा मात्र कुर्न मिल्छ ।

बिहान ११ बजेका लागि डाकिएको बैठकमा मध्याह्न १२ बज्दासम्म ११ जना मात्र उपस्थित भएका थिए । सोही कारण बैठक रोकिएको हो ।

समितिका सभापति सन्तोष चालिसेले केही सदस्य उपत्यकाबाहिर रहेको र धेरैजना शिक्षक आन्दोलनको जामका कारण आउन नसकेकाले कोरम नपुगेर बैठक स्थगित गर्नुपरेको जानकारी दिए । उनले सल्लाह गरेर केही दिनभित्रै बैठक राखिने बताए ।