काठमाडौं । नेपालको लागि सिट्रोनको आधिकारिक वितरक सांग्रिला मोटर्सले आफ्नो फेस्टिभ स्किम २०८० सार्वजनिक गरेको छ ।

यसअन्तर्गत नाडा अटो सोमा सिट्रोनका गाडी बुकिङ गर्ने ग्राहकले २५ हजार रुपैँयासम्मको आकर्षक उपहारको व्यवस्था गरिएको कम्पनीले जानकारी दिएको छ ।

भृकुटीमण्डपमा मंगलबारदेखि सुरू भएको नाडा अटो सोमा कम्पनीले आफ्नो फेस्टिभ स्किम पनि सार्वजनिक गरेको बताएको छ ।

यो स्किमअन्तर्गत सिट्रोन सी३ किन्न चाहने ग्राहकहरूले आकर्षक नगद छुटका साथै निःशुल्क बिमा र निःशुल्क करको सुविधा पनि पाउन सक्ने कम्पनीले जनाएको छ ।

यस्तै, सिट्रोनको विद्युतीय गाडी ई सी३ खरिद गर्न चाहने ग्राहकवर्गहरूले पनि निःशुल्क बिमा र निःशुल्क सडक करको सुविधा पनि प्राप्त गर्न सक्नेछन् । यससँगै नाडा अटो सो भरी निःशुल्क कार वासर पनि प्राप्त गर्न सक्ने कम्पनीले जनाएको छ ।