काठमाडौं । सरकारी विद्यालयका माध्यमिक तहमा महिला शिक्षक १७.४ प्रतिशत मात्रै रहेको पाइएको छ । 

शिक्षा विज्ञान तथा प्रविधि मन्त्रालयले सार्वजनिक गरेको आर्थिक वर्ष २०७९/८० को वार्षिक प्रतिवेदनमा यस्तो तथ्यांक उल्लेख छ । 

प्रतिवेदनअनुसार यो दर पछिल्लो तीन वर्ष यताकै कम हो । वि.स.२०७५ मा माध्यमिक तहमा महिला शिक्षकको प्रतिशत १७.४ नै थियो । त्यसयता तीन वर्ष लगातार बढ्दै गएर ०७६ मा १९.८, ०७७ मा २०.४, ०७८ मा २०.४ प्रतिशत पुगेको थियो । तर २०७९ मा यो दर घटेर फेरि १७.४ प्रतिशतमा झरेको हो । 

आधाभूत तहमा भने महिला शिक्षकको दर २०७५ मा ४३.१ प्रतिशत रहेको ०७९ सम्म आइपुग्दा बढेर ४७.२ प्रतिशत पुगेको प्रतिवेदनमा उल्लेख छ ।