काठमाडौं । चालु आर्थिक वर्ष २०८०/०८१ को पहिलो महिना साउनमा ७८ अर्ब ८७ करोड ४१ लाख रुपैयाँ राजस्व संकलन भएको छ ।

सरकारले राखेको लक्ष्यको ७९.२१ प्रतिशत मात्र राजस्व असुली भएको हो । सरकारले ९९ अर्ब ५७ करोड २५ लाख रुपैयाँ राजस्व संकलन गर्ने लक्ष्य राखेको थियो ।

अन्य प्राप्तिबाट राजस्व संकलन गर्ने लक्ष्य नराखेको भए पनि सरकारले यो शीर्षकसहित साउनमा कुल ८८ अर्ब १३ करोड ८९ लाख रुपैयाँ राजस्व संकलन गरेको छ ।

अर्थ मन्त्रालयका अनुसार अन्य प्राप्ति शीर्षकमा नौ अर्ब २६ करोड ४८ लाख रुपैयाँ राजस्व संकलन भएको छ ।

भन्सार महशुलबाट सरकारले १४ अर्ब ६५ करोड १९ लाख रुपैयाँ आर्जन गरेको छ । मूल्य अभिवृद्धि कर (भ्याट) बापत सरकारले २३ अर्ब ८६ करोड ८० लाख रुपैयाँ आर्जन गरेको हो । गत आवको पाहिलो महिनामा सरकारले यो शीर्षकमा २४ अर्ब ९१ करोड ३७ लाख रुपैयाँ आर्जन गरेको थियो ।

त्यस्तै, अन्तशूल्कबापत ११ अर्ब तीन लाख १० हजार रुपैयाँ आर्जन गरेको छ । शिक्षा सेवा शूल्कबापत सरकारले चालु वर्षको साउनमा २८ करोड ९६ लाख रुपैयाँ आर्जन गरेको छ ।

आयकरबापत २० अर्ब ३३ करोड ५७ लाख रुपैयाँ आर्ज गरेको छ । गैर करबापत सरकारले आठ अर्ब ६९ करोड ८९ लाख रुपैयाँ आर्जन गरेको छ ।