site stats
बाह्रखरी :: Baahrakhari
प्रविधि
Global Ime bankGlobal Ime bank
भियतनामको ईभी निर्माता ‘भिनफास्ट’ले पछि पार्‍यो फोर्ड र जीएमलाई

काठमाडौं । भियतनामको विद्युतीय सवारी (ईभी) निर्माता ‘भिनफास्ट’ले सेयर बजारको कुल मूल्यांकनका आधारमा फोर्ड र जनरल मोटर्स (जीएम)लाई पछि पारेको छ ।

न्यूयोर्कमा नासडाक स्टक एक्सचेन्जमा पहिलो पटक पहिलो दिन भएको डेब्यु ट्रेडमा कम्पनीको सेयर मूल्य ३७ अमेरिकी डलरभन्दा माथि पुगेको हो ।

यसले भिनफास्टको बजार पुँजीकरण ८५ अर्ब अमेरिकी डलरभन्दा बढी पुर्‍याएको हो । यो बजार पुँजीकरण फोर्डको ४८ अर्ब अमेरिकी डलर र जीएमको ४६ अर्ब अमेरिकी डलरभन्दा बढी हो ।

विद्युतीय सवारी उत्पादक कम्पनीहरूबीच दौड चलिरहेका बेला भिनफास्टले दुई विश्वप्रख्यात कम्पनीको बजार पुँजीकरणलाई जितेको हो ।

यससँगै भिनफास्टका अध्यक्ष एवं संस्थापक फाम न्हाट वुङको सम्पत्तिमा ३९ अर्ब अमेरिकी डलरले बढेको छ । उनी यसअघि नै पनि भियतनामका धनाढ्य व्यक्ति हुन् ।

नियामक निकायको विवरणले कम्पनीको ९९ प्रतिशत सेयर उनीसँगै रहेको देखाएको छ । जुन भियतनाको सबैभन्दा ठूला कंग्लोमेट भिनग्रुप जेएससीअन्तर्गत रहेको छ ।

यसले अन्य लगानीकर्ताका लागि ट्रेड गर्न मिल्ने सेयर संख्या सीमित पारिदिएको छ अन्यथा कम्पनीको पुँजीकरण अझैं बढी हुनेथियो ।

प्रकाशित मिति: बुधबार, साउन ३१, २०८०  १५:४१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro