तनहुँ । पृथ्वी राजमार्ग अन्तर्गतको तनहुँ–पोखरा–सडकखण्डमा अहिले विस्तारको काम भइरहेको छ । मुग्लिन–पोखरा सडक चार लेन बनाउने योजनाअन्तर्गत सडक विस्तारको काम चलिरहेको छ । वर्षातको समयमा सडक विस्तारको काम हुँदा यात्रुले भने सास्ती बेहोर्नु परिरहेको छ । 

जामुनेदेखि पोखरासम्मको सडक खण्डलाई दुई भागमा विभाजन गरेर सडक विस्तारको काम भइरहेको छ । बिस्तार भइरहेको सडक आँबुखैरेनीदेखि पोखरासम्मको दूरी ८० किलोमिटर छ । वर्षाका कारण निर्माण भइरहेको सडकमा हिलो हुँदा यो सडक भएर यात्रा गर्ने सवारी साधनदेखि बटुवासम्म तथा स्थानीयले निकै सास्ती खेपिरहेका छन् ।