काठमाडौं । एक्स (पहिलेको ट्विटर)ले लाइभ भिडियो गर्न सकिने नयाँ फिचर थपेको छ । कम्पनीका प्रमुख एलन मस्कले शुक्रबार एक्समा आफैँ लाइभमा आएर नयाँ फिचर सार्वजनिक भएको जानकारी गराएका हुन् ।

मस्कले एक्समा लेखेका छन्, “लाइभ भिडियोले अब उचित रूपमा काम गर्छ । तपाईंले पोस्ट गर्दा क्यामेराजस्तो देखिने बटनमा ट्याप गर्नुहोस् ।”

https://t.co/4YeQWPz1Xw

— Elon Musk (@elonmusk) August 4, 2023

कसरी गर्ने ट्विटरमा लाइभ ?

ट्विटरमा लाइभ गर्न तपाईंले ट्विटर एपमा गएर नयाँ पोस्ट गर्ने ठाउँ प्लस आइकनमा क्लिक गर्नुपर्छ । त्यसपछि आउने स्पेसेस, फोटोज, गिफ र पोस्टमध्ये पोस्ट गर्ने अप्सनमा क्लिक गर्नुपर्छ ।

पोस्टमा क्लिक गरेपछि त्यहाँ क्यामेरा जस्तो देखिने आइकन छ । त्यसमा क्लिक गरेपछि फोटो, भिडियो र लाइभ जान सकिने भनेर देखाउँछ र कन्ट्युन्यू गरेपछि त्यहाँ भिडियो, क्याप्चर र लाइभ भन्ने अप्सन देखिन्छ र त्यहाँबाट लाइभ जान सकिन्छ । यो फिचरका लागि अटो अपडेट भएको छैन भने एक्सको एप अपडेट गर्नुपर्छ ।

एलन मस्क आफैँले शुक्रबार लाइभ बसेर यो फिचर प्रयोग गरेका छन् ।