काठमाडौं । कोसी प्रदेशका पूर्वमुख्यमन्त्री हिक्मत कार्कीले सत्तारूढ दलहरू अधिनायकवादतर्फ गएको आरोप लगाएका छन् । बुधबार मुख्यमन्त्री उद्धव थापाको शपथ समारोहमा आफूलाई निवर्तमान मुख्यमन्त्रीको रूपमा अस्वीकार गरिएको बताएका छन् । 

अघिल्लोपटक पनि थापाको शपथ ग्रहण समारोहमा अनुपस्थित भएका कार्कीले बुधबारको शपथ ग्रहण पनि बहिस्कार गरेका थिए । 

"निर्लज्जताको पराकाष्ठा, अधिनायकवादतर्फको यात्रा : आज कोसी प्रदेश प्रमुख कार्यालयद्वारा नयाँ मुख्यमन्त्रीको शपथ ग्रहण समारोहमा निवर्तमान मुख्यमन्त्रीलाई स्वीकार गरेनन् । यस घटनाबाट संविधानको सर्वोच्चता, कानुनी राजको उपहासमात्रै गरेनन्, सर्वोच्च अदालतको फैसला र हाम्रा अभ्यासहरूलाई कुल्चिएर स्वेच्छाचारिताको नमुना पेस गरेका छन्," फेसबुकमा उनले लेखेका छन् । 

मंगलबार मुख्यमन्त्रीमा नियुक्त भएका थापाले आज पद तथा गोपनीयताको शपथ लिएका हुन् ।

• बस्न कुर्सी नपाएपछि पूर्वमुख्यमन्त्री कार्कीले गरे शपथ समारोह बहिस्कार