काठमाडौं । प्रि–सिजनको क्लब मैत्रीपूर्ण फुटबलमा स्पेनिस क्लब बार्सिलोनाले इटालियन सिरी ‘ए’ को क्लब एसी मिलानविरुद्ध १–० को जित निकालेको छ ।

बुधबार अमेरिकास्थित एलेजायन्ट रंगशाला भएको खेलमा बार्सिलोनालाई जित दिलाउन अन्सु फातीले निर्णायक गोल गरे । फातीले ५५औं मिनेटमा गोल गर्दै बार्सिलोनालाई अग्रतामा राखेका थिए ।

प्रि–सिजनको तयारीका लागि अमेरिका भ्रमणमा रहेको बार्सिलोनाले यसअघि इंग्लिस क्लब आर्सनलसँग ५–३ को हार बेहोरेको थियो । यस्तै, स्पेनिस प्रतिद्वन्दी रियाल मड्रिडविरुद्ध ३–० को जित निकालेको थियो । बार्सिलोनाले अब प्रि–सिजनको अन्तिम खेलमा टोटनहमविरुद्ध अगस्ट ८ मा खेल्नेछ ।

मिलान भने यसअघि भएको खेलमा रियाल मड्रिडसँग ३–२ ले र युभेन्टससँग पेनाल्टी सुटआउटमा पराजित भएको थियो ।

स्पेनिस ला लिगाको नयाँ सिजनको अगस्ट ११ बाट र इटालियन सिरी ‘ए’ अगस्ट २० देखि सुरु हुँदै छ ।