site stats
बाह्रखरी :: Baahrakhari
खेल
Global Ime bankGlobal Ime bank
सिजनको पहिलो ‘एल क्लासिको’मा बार्सिलोनाको सहज जित

काठमाडौं । नयाँ सिजन २०२३–२४ को पहिलो ‘एल क्लासिको’मा बार्सिलोनाले ३–० को जित निकालेको छ ।

शनिबार अमेरिकाको टेक्सासस्थित एटीएन्डटी रंगशालामा सम्पन्न प्रि–सिजनको पहिलो ‘एल क्लासिको’मा चिर प्रतिद्वन्द्वी रियाल मड्रिडविरुद्ध जित दिलाउन बार्सिलोनाका ओस्मान डेम्बेले, फेर्मिन लोपेज र फेरान टोरेसले समान एक गोल गरे ।

खेलको १५औँ मिनेटमा डेम्बेलेले गोल गर्दै बार्सिलोनालाई अग्रता दिलाएका थिए । लोपेजले ८५औँ मिनेटमा गोल गर्दै बार्सिलोनालाई २–० को अग्रतामा राखेका थिए । इन्ज्युरी समयमा टोरेसले गोल गरेपछि बार्सिलोनाले ३–० को जित निश्चित गरेको थियो ।

त्यसअघि, २०औँ मिनेटमा प्राप्त पेनाल्टीलाई सदुपयोग गर्न नसक्दा रियालले गोलको सुनौलो अवसर खेर फाल्यो । बार्सिलोनाका रक्षक रोनाल्ड अराउहोले १८ यार्ड बक्सभित्र हातले बल छोएपछि रियालले पेनाल्टी पाएको थियो । तर, भिनिसियस जुनियरको प्रहार बारमा लागेर फर्कियो ।

बार्सिलोना यसअघि प्रि–सिजनको पहिलो खेलमा आर्सनलसँग ५–३ ले पराजित भएको थियो । जाभी हर्नान्डेजको टिमले अब बुधबार इटालियन क्लब एसी मिलानविरुद्ध खेल्नेछ ।

रियालको यो प्रि–सिजनको पहिलो हार हो । कार्लो एन्सेलोट्टीको टिमले यसअघि एसी मिलानविरुद्ध ३–२ र म्यानचेस्टर युनाइटेडविरुद्ध २–० को जित निकालेको थियो ।

प्रकाशित मिति: आइतबार, साउन १४, २०८०  ०९:३२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro