काठमाडौं । काठमाडौंको माइतीघरमा दिनहुँजसो प्रदर्शन गरिन्छ । विभिन्न जिल्ला र स्थानबाट आएका मानिसले यहाँ प्रदर्शन गर्ने गरेका छन् । विभिन्न माग राखेर प्रदर्शन गर्नेको संख्या बढ्दो छ ।

यो साउनको वर्षाकै बेला पनि प्रदर्शन जारी छ । प्रदर्शनकारी पाल टाँगेर बसेका छन् । उनीहरू राति पनि त्यहीँ बस्छन्/सुत्छन् । उपत्यकाबाहिरबाट आएका प्रदर्शनकारीले सडकछेउमै खाना पकाएर खाने गरेका छन् । सडकमै उनीहरूले ल्याएका ग्यास सिलिन्डर, भाँडाकुँडा देखिन्छ ।

त्यति मात्र होइन, पानीले उनीहरू भिजेका छन् । भिजेका कपडा बदल्छन् । ती कपडा त्यहीँ डोरी टाँगेर सुकाएका छन् । प्रदर्शन लम्ब्याएर उनीहरू कष्टप्रद दैनिकी गुजार्दै छन् ।

थप तस्बिर हेर्नोस्–