काठमाडौं । नेपालले पछिल्लो ११ महिनामा दुई अर्ब दुई करोड १० लाख नौ हजार रुपैयाँको पासपोर्ट आयात गरेको छ ।

भन्सार विभागका अनुसार २०७९ साउन १ गतेदेखि २०८० जेठ मसान्तसम्मको अवधिमा उक्त मूल्य बराबरको खाली पासपोर्ट नेपालले आयात गरेको हो ।

उक्त मूल्यमा ७० हजार ५५५ केजी पासपोर्ट नेपाल भित्रिएको छ । नेपालले फ्रान्सबाट ती पासपोर्ट आयात गरेको हो ।

अघिल्लो आर्थिक वर्ष २०७८/७९ को सोही अवधिमा नेपालले एक अर्ब २२ करोड चार लाख ७८ हजार रुपैयाँको खाली पासपोर्ट आयात गरेको थियो । उक्त मूल्यमा ५१ हजार ३३४ केजी पासपोर्ट नेपाल भित्रिएको थियो ।