![जनदबाबले राप्रपाको एजेन्डा पूरा हुनसक्छ : राजेन्द्र लिङदेन](https://12khari.top/uploads/posts/rajendra linden61684060144.jpg)
काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनले मुलुकको अहिलेको व्यवस्थाले देश ठिक बाटोमा नजाने बताएका छन् ।
शनिबार काठमाडौंमा राप्रपा सम्पर्क समाज समन्वय विभागले आयोजना गरेको कार्यक्रममा उनले धर्मनिरपेक्षता, संघीयता, गणतन्त्रले देशलाई ठिक बाटो अघि बढाउन नसक्ने जिकिर गरे । यसलाई परिवर्तन गर्नुपर्नेमा उनले जोड दिए ।
उनले नेपालको राष्ट्रियतालाई कमजोर पार्नका लागि देशका नेताहरू प्रयोग भएका दृश्य देखिन थालेको भन्दै समयमै सजग हुनुपर्ने बताए ।
संघीयता खारेज गर्दै राजसंस्था र हिन्दुराष्ट्र पुनःस्थापनाका लागि राप्रपा अघि बढेको उनले उल्लेख गरे । देशको निर्णयको केन्द्रविन्दु काठमाडौं रहेकाले ५० हजार मान्छे सडकमा उत्रिएर जनदबाब सिर्जना गर्न सके राप्रपाको एजेन्डा पूरा हुन सक्ने उनको भनाइ छ ।
अध्यक्ष लिङदेनले अहिलेको व्यवस्थालाई परिवर्तन नगरेसम्म देशको स्थायित्वको कल्पना गर्न नसकिने टिप्पणी गरे ।