site stats
बाह्रखरी :: Baahrakhari
देश
Global Ime bankGlobal Ime bank
नासुमाथि वकिलले ‘आक्रमण’ गरेपछि...
प्रतीकात्मक तस्बिर ।

काठमाडौं । जिल्ला अदालत ललितपुरकी कर्मचारीमाथि हातपात गरेको आरोपमा एक कानुन व्यवसायी पक्राउ परेका छन् । पक्राउ पर्नेमा काठमाडौं महानगरपालिका–२९ मा बस्दै आएका अमिर लामिछाने छन् ।

बुधबार अपराह्न करिब साढे ४ बजे वकिल लामिछानेलाई पक्राउ गरिएको जिल्ला प्रहरी परिसर ललितपुरले जानकारी दिएको छ ।

ललितपुर प्रहरी स्रोतका अनुसार लामिछानेले अदालतकी नायब सुब्बा प्रेमिका तामाङमाथि हातपात गरेका थिए । विवादपछि उनले हातपात गरेको प्रहरीले जनाएको छ ।

प्रहरीका अनुसार इजलासबाट भएको आदेश हेर्न पाउनुपर्ने भन्दै लामिछानेले फाइल मागेका थिए । तर, हराउन सक्ने भन्दै नासु तामाङले फाइल दिन मानिनन् । प्रक्रिया पुर्‍याएर निवेदन लिएर आए त्यसको नक्कल प्रति दिन सकिने उनले जवाफ फर्काएकी थिइन् । त्यसपछि विवाद बढ्दै गएको र लामिछानेले हातपात गरेको प्रारम्भिक अनुसन्धानमा देखिएको प्रहरीले जनाएको छ ।

लामिछानेले हातपात गर्दा नासु तामाङको ओठमा सामान्य चोट लागेको थियो । लगत्तै उनलाई स्थानीय मेडिकलमा लगिएको थियो । स्वास्थ्य परीक्षणपछि तामाङ दैनिक जीवनयापनमा फर्किइसकेकी छन् । उनको स्वास्थ्य अवस्था सामान्य रहेको प्रहरीले जनाएको छ ।

पक्राउ परेका लामिछानेविरुद्ध प्रहरीले अभद्र व्यवहारमा कारबाही अघि बढाउने तयारी गरेको छ । म्याद थपका लागि उनलाई भोलि जिल्ला प्रशासन कार्यालय ललितपुरमा पेस गरिने प्रहरीले जनाएको छ ।

“अभद्र व्यवहारमा मुद्दा चलाउँछौँ । आज सार्वजनिक बिदा भयो, म्याद थपका लागि भोलि जिल्ला प्रशासन कार्यालयमा पेस गर्छौँ,” प्रहरी स्रोतले बाह्रखरीसित भन्यो ।

प्रकाशित मिति: बिहीबार, असार १४, २०८०  १४:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
खानेपानी त स्वच्छ होस् !
खानेपानी त स्वच्छ होस् !
Hamro patroHamro patro