काठमाडौं । नेपाली राष्ट्रिय क्रिकेट टिमका ओपनर ब्याटर कुशल भुर्तेलले जिम्बाब्वेविरुद्ध शतक बनाउन एक रनले चुक्दा नराम्रो अनुभव भएको प्रतिकृया दिएका छन् ।

आईसीसी विश्वकप छनोटको पहिलो खेलमा आइतबार नेपालले जिम्बाब्वेविरुद्ध खेल्दा कुशल ९९ रनमा आउट भएका थिए ।

जिम्बाब्वेविरुद्ध नेपालले २९० रनको योगफल खडा गर्दा कुशलले ब्याटिङमा उत्कृष्ट प्रदर्शन गरेका थिए । तर, नेपालले प्रस्तुत गरेको लक्ष्य जिम्बाब्वेले दुई विकेट गुमाएर पूरा गरेपछि नेपाल आठ विकेटले पराजित भएको थियो ।

खेलपछि नेपाल क्रिकेट संघ (क्यान) को सञ्चारकर्मीसँगको कुराकानीमा कुशलले खेलको अनुभव राम्रो भए पनि एक रनले शतक चुक्दा नराम्रो महसुस भएको बताए ।

“ओभरअल एक्सपेरियन्स राम्रो भयो । सबैजना एक्साइटेड थिए । हेर्ने हो भने फस्र्ट इनिङमा २९० हाम्रो राम्रो नै टार्गेट बनाएको थियौं । तर, सबैलाई थाहा छ । टेस्ट नेसन टिम हो राम्रो खेलिहाल्छ भन्ने कुरा । उनीहरूले राम्रो खेले । क्रेडिट उनीहरूलाई जान्छ,” कुशलले भने, “अलिकति नराम्रो त लाग्छ । एक रनले गर्दा हन्डे«ड मिस भयो भन्ने लाग्छ । ओभरअल त्यस्तो केही पनि सोचेको थिइन । नेक्स म्याच यूएससँग छ । यूएससँग राम्रो गर्यो भने अगाडि सजिलो हुन्छ जस्तो लाग्छ ।”

छनोट प्रतियोगिताको समूह ‘ए’ मा रहेको नेपालले अब मंगलबार (भोलि) अमेरिकासँग खेल्दै छ । समूह ‘ए’ मा नेपालसँगै अमेरिका, जिम्बाब्वे, नेदरल्यान्ड्स दुई पटकको विश्व विजेता वेस्ट इन्डिज छन् ।