काठमाडौं । राष्ट्रिय स्वतन्त्र पार्टी (रास्वपा)की सांसद सुमना श्रेष्ठले सरकारले बजेटमार्फत् ल्याएको कर नीतिको सशक्त ढंगले विरोध गर्ने बताएकी छन् । बुधबार प्रतिनिधिसभा बैठकमा उनले गरिबलाई झन गरिब बनाउने गरी सरकारले कर नीति ल्याएको बताइन् । यसको विरोधमा आफूहरूले संसद् बैठकसमेत अवरुद्ध गर्नसक्ने चेतावनीसमेत दिइन् । 

सांसद श्रेष्ठले दैनिक उपभोग्य खाद्यन्नमा समेत सरकारले १३ प्रतिशत कर लिने नीति लिएकोमा आपत्ति जनाउँदै सो नीति स्वीकार्य नहुने बताइन् । उनले गरिब किसानलाई राहत दिने कार्यक्रम बजेटमा के छ ? भन्दै उनले अर्थमन्त्री डा. प्रकाशशरण महतलाई प्रश्नसमेत गरिन् । 

सांसद श्रेष्ठले गरिबीलाई देखाएर दातृ निकायबाट बजेट ल्याउने र उनीहरूलाई मारमा पार्ने काम हुनै नसक्ने बताइन् ।