काठमाडौं । नेपाल मजदुर किसान पार्टीका सांसद प्रेम सुवालले विदेशी सेना ल्याउने गरी बजेट आएको बताएका छन् । 

आगामी आर्थिक वर्षको बजेट संसद्मा प्रस्तुत भएपश्चात् सञ्चारकर्मीहरूसँग कुराकानी गर्दै उनले सूचना प्रविधिमा विदेशी पुँजी ल्याउनु भनेको विदेशी सेना आउनु बराबर भएको बताए । 

“सूचना प्रविधिमा विदेशी पुँजी ल्याउनु भनेको त्यो गलत हो । यसले सूचना प्रविधिका उद्योगीहरूलाई खाइदिने छ,” उनले भने, “विदेशी पुँजीसँगै देशमा विदेशी सेना आउनेछ । यसले देश खाइदिनेछ ।”

उनले सार्वजनिक संस्था कसरी चलाउने भन्ने कुनै योजना नआएको बताए । गाँजा खेतीले युवा पक्षमा हुने खतराको विषयमा सरकार गम्भीर नभएको बताए । शिक्षामा खोप विश्वविद्यालयको कुरा कुनै उल्लेख नभएको बताए ।