श्रीलंकाले पाँचौँ स्थानका लागि किर्गिस्तानसँग खेल्ने

खेल

काभा महिला भलिबल च्यालेन्ज कप

बाह्रखरी बिहीबार, जेठ ११, २०८०

श्रीलंकाले पाँचौँ स्थानका लागि किर्गिस्तानसँग खेल्ने

काठमाडौं । सेन्ट्रल एसियन भलिबल एसोसिएसन (काभा) महिला भलिबल च्यालेन्ज कप–२०२३ को पाँचौँ स्थानका लागि श्रीलंकाले किर्गिस्तानसँग खेल्ने भएको छ ।

बिहीबार त्रिपुरेश्वरस्थित राष्ट्रिय खेलकुद परिषद् (राखेप) परिसरमा रहेको कभर्डहलमा भएको खेलमा बंगलादेशलाई ३–० को सोझो सेटमा पराजित गर्दै श्रीलंकाले पाँचौँ स्थानका लागि किर्गिस्तानसँगको भेट पक्का गरेको हो ।

श्रीलंकाले बंगलादेशलाई २५–१६, २५–१५, २५–७ ले पराजित गरेको हो ।

यसअघि बिहीबार नै भएको पहिलो प्लेअफमा माल्दिभ्सलाई सोझो सेटमा पराजित गर्दै किर्गिस्तानले पाँचौँ स्थानको लागि हुने खेलमा स्थान बनाएको थियो ।

यता श्रीलंकासँग पराजित बंगलादेश र किर्गिस्तानसँग पराजित माल्दिभ्सले भने सातौँ स्थानका लागि खेल्ने छन् । पाँचौँ र सातौँ स्थानका लागि हुने दुवै खेल शनिबार हुने छन् ।