‘मोखा’ आँधीमा परी म्यानमारमा ८१ जनाको मृत्यु

विदेश

‘मोखा’ आँधीमा परी म्यानमारमा ८१ जनाको मृत्यु

बुधबार, जेठ ३, २०८०

‘मोखा’ आँधीमा परी म्यानमारमा ८१ जनाको मृत्यु

नेपिट । म्यानमारमा ‘मोखा’ आँधीमा परेर ८१ जनाको मृत्यु भएको छ ।

अल्पसंख्यक रोहिंग्या मुसलमानको बसोबासस्थल राखिन राज्यको बुमा र समीपको खाउङ डोके कार गाउँमा मात्र कम्तीमा ४६ जनाले ज्यान गुमाएका सरकारी अधिकारीले बताएका छन् ।

राखिनको राजधानी सित्तवेको उत्तरमा अवस्थित राथेदाउङ गाउँको मठ भत्किँदा १३ जनाले ज्यान गुमाएका तथा सोही गाउँको छिमेकमा भवन भत्किँदा एक महिलाको मृत्यु भएको सरकारी टेलिभिजन एमआरटीभीले जनाएको छ ।

आँधीका कारण १०० भन्दा बढी हराइरहेकाले ज्यान गुमाउनेको संख्या अझै बढ्ने बुमा गाउँका प्रमुख कार्लोले बताएका छन् ।

सिट्टेनजिक विस्थापित रोहिंग्या शरणार्थी शिविरमा नौजनाको मत्यु भएको तथा ओन ताव छे गाउँमा एकजना र ओव गीमा ६ जनाले ज्यान गुमाएका स्थानीय अधिकारीलाई उद्धृत गर्दै एमआरटीभीले जनाएको छ । रासस/एएनआई