site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
सम्भावनाहरू खोजौँ, तर बजेटको सिलिङ नघटाऔँ : नेता पौडेल
फाइल तस्बिर।

काठमाडौं । सत्तारूढ दल नेकपा (माओवादी केन्द्र)का सचिव देवेन्द्र पौडेलले बजेटको सिलिङ नघटाउन अनुरोध गरेका छन् । सोमबारको प्रतिनिधिसभा बैठकमा बोल्दै उनले मन्त्रीहरूले पैसा छैन भन्दै बजेटको सिलिङ घटाउन उपयुक्त नहुने बताए ।

आर्थिक वर्ष २०८०/८१ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्तावबाहेक) माथिको छलफलमा बोल्दै उनले गएको सालभन्दा यस वर्ष एक खर्ब घटाएर बजेट आउन खोजेको बताए । उनले भएका सम्भावना खोजेर भए पनि बजेटको दायरा घटाउन नहुनेमा जोड दिए ।

“गतसालको भन्दा एक खर्ब कममा बजेट आउँदै छ भन्ने सुनको छु । मन्त्रीहरुले पैसा छैन भन्नुहुन्छ । मेरो अर्थमन्त्रीलाई अनुरोध छ, तपाईंले आँट गर्नुहोस्, भएका सम्भावना खोजौँ,” उनले भने, “बजेटको सिलिङ नघटाउन अर्थमन्त्रीलाई सुझाव दिन्छु । करको दायर वृद्धि गरौं । सफ्ट लोनमा वैदेशिक अनुदान ल्याउँ, करको दायरा बढाऔँ । बेरुजु नियमन र भ्रष्टचार न्यूनीकरण गरौं तर बजेटको सिलिङ नघटाऔँ ।”

सांसद पौडेलले सबै दलहरूले सकारात्मक उदेश्य लिएर अहिलेको आर्थिक अवस्था सुधार गर्न अघि बढ्नुपर्नेमा जोड दिए । साथै, उनले अहिलेको खस्किँदो आर्थिक अवस्थालाई लयमा ल्याउन साझा संकल्प जरूरी भएको पनि जिकिर गरे ।

संघीयताको विरोध गरेर एकात्मक व्यवस्था फर्काएर अर्थतन्त्र लयमा नआउने भन्दै उनले देश खत्तम छ, रोजगारी भएन, कर प्रणाली खतम भनेर सधैँ भनिरहने हो भने युवाहरू यो देशमा नबस्ने गुनसो गरे । 

साथै, उनले शान्तिप्रकृयाको विषय टुंगोमा पुर्याउनु अहिलेको आवश्यक्ता भएको भन्दै यसलाई अघि बढाउनु सबैको साझा कर्तव्य र दायित्व भएको जिकिर गरे ।

प्रकाशित मिति: सोमबार, वैशाख २५, २०८०  १३:००
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro