काठमाडौं । चालु आर्थिक वर्ष २०७९/८० को आठ महिनाको अवधिमा सात खर्ब ९४ अर्ब ३२ करोड रुपैयाँ रेमिट्यान्स भित्रिएको छ ।
नेपाल राष्ट्र बैंकको तथ्यांकअनुसार गत वर्षको फागुन महिनासम्मको अवधिको तुलनामा चालु आर्थिक वर्षको सोही अवधिमा रेमिट्यान्स आय २५.३ प्रतिशतले वृद्धि भएको हो ।
अघिल्लो वर्षको सोही अवधिमा रेमिट्यान्स आय १.३ प्रतिशतले घटेको थियो राष्ट्र बैंकका अनुसार वैदेशिक रोजगारीका लागि संस्थागत तथा व्यक्तिगत–नयाँ अन्तिम श्रम स्वीकृति लिने नेपालीको संख्या ५४.३ प्रतिशतले वृद्धि भई तीन लाख ५१ हजार ७६१ पुगेको छ ।
त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ८.० प्रतिशतले वृद्धि भई एक लाख ९२ हजार पुगेको राष्ट्र बैंकले जनाएको छ ।