site stats
बाह्रखरी :: Baahrakhari
अन्तर्वार्ता
Nabil BankNabil Bank
सेमिफाइनलले फ्रान्सप्रतिको मेरो प्रेमलाई खोस्न सक्दैन : मोरक्कोका प्रशिक्षक रेग्रागुई
Sarbottam CementSarbottam Cement

काठमाडौं । मोरक्कोका मुख्य प्रशिक्षक वालिद रेग्रागुईले कतारमा जारी फिफा विश्वकपको दोस्रो सेमिफाइनलमा फ्रान्ससँग खेल्नुले फ्रान्सप्रतिको आफ्नो मायामा कुनै प्रभाव नपार्ने बताएका छन् ।

कतारको अल बायत रंगशालामा आज मोरक्कोले साविक विजेता फ्रान्सविरुद्ध नेपाली समयअनुसार राति १२ः४५ बजेदेखि खेल्दैछ ।

क्वार्टरफाइनलमा पोर्चुगलविरुद्ध जित निकाल्दै सेमिफाइनलमा स्थान बनाएपछि रेग्रागुईले भने, “मलाई लाग्छ म एक फुटबल गेमका कारण पहिलो पटक रोएको थिए । खेलपछिको भावना निकै बलियो थियो । जसलाई मैले रोक्न सकिन् ।”

Prabhu Bank
Agni Group
NIC Asia

आज पुनः मोरक्कोले अल बायत रंगशालामा एक भावनात्मक खेल खेल्दैछ । रेग्रागुईकै अनुसार फ्रान्स उनको ‘दोस्रो देश’ हो । उनको जन्म फ्रान्समा नै भएको थियो । उनको जन्म कोर्बिल–इसोनेसमा भएको थियो । जुन पेरिसको दक्षिण उपनगर सहर हो । उनको फुटबल करियर पनि फ्रान्सबाट नै सुरु भएको थियो । रेसिङ पेरिसबाट करियर सुरु गरेका रेग्रागुईले करियरको अधिकांश समय फ्रान्समै बिताए । उनले फ्रान्सको ग्रेनाबल क्लबमा रहँदा युवा ओलिभर जिरुडसँग पनि खेलेका थिए ।

फिफाले हालै सर्वाजनिक गरेको अन्तर्वार्तामा ४७ वर्षीय रेग्रागुईले फ्रान्ससँगको आफ्नो सम्बन्ध बताएका छन् । 

Global Ime bank

morocco 21671019083.jpg

साविक विजेताविरुद्ध खेल्दै हुनुहुन्छ । कस्तो महसुस भइरहेको छ ?

हाम्रो लागि यो निकै ठूलो चुनौती हो । यहाँसम्म हामी साविक उपविजेता (क्रोएसिया) र तेस्रो स्थानमा रहेको (बेल्जियम) बीचबाट आइपुगेका हौं । अब विश्वकै उत्कृष्ट टिमविरुद्ध खेल्न जाँदैछौं । सायद यो हाम्रो लागि सबैभन्दा ठूलो चुनौती हो । हामी उनीहरुलाई सम्मान गर्छौं र प्रतियोगिताको सुरुआतदेखि अहिलेसम्म जस्तै खेलमा आफ्नो सतप्रतिसत दिनेछौं । 

तपाई आफैँ फ्रान्समा हुर्किएको भएर, यो खेल तपाईका लागि कत्तिको विशेष बनेको छ ?

यो मलाई माया गर्ने परिवार आफन्तका लागि निकै विशेष छ । म आफैपनि फ्रेन्च र फ्रान्समै हुर्किएका कारण यो कुनै रुपमा मेरा लागि पनि विशेष बनेको छ । तर, अहिले म मेरो देशको प्रशिक्षक बनेको छु । यसले नै मलाई दोस्रो देशको विरुद्धमा बनाउँछ । यसैकारण फ्रान्सलाई नकआउट गर्नु हाम्रो लक्ष्य हो । यो फुटबल हो र यहाँ यस्तै हुन्छ । तर, यसले फ्रान्सप्रतिको मेरो मायामा भने कुनै प्रभाव पार्दैन ।

तपाईँले २००४ मा एक मोरक्कोबाट एफकोनको फाइनलमा पुग्दै एक खेलाडीको रुपमा इतिहास बनाउँनु भएको थियो । अहिले विश्वकपको फाइनलबाट एक कदम पछाडि हुनुहुन्छ । कस्तो महसुस हुँदैछ ? 

यो अनुभव असाधारण छ, किनकी हामी बच्चैदेखि फुटबल खेल्दै आएका छौं र यो खेललाई माया गर्छौं । आफ्नो देशको फुटबल इतिहासमा नयाँ पाठ लेख्नु सबैको चाहना हुन्छ । पक्कैपनि मोरक्कोले पछिल्लो पटक एफकोनको फाइनल खेल्दा खेलाडीको रुपमा थिए । त्यो कुराको अहिले २० वर्ष पुगिसकेको छ । र, मेरो देशलाई विश्वकपको सेमिफाइनलमा पुर्याउनु । हाम्रा समर्थकहरुसँगै यी दुई कुराको अनुभव गर्न पाउँनु निकै अवर्णनीय छ ।

तपाईँ ग्रेनोबलका आफ्नो पुरानो सहकर्मी ओलिभर जिरुडको बारेमा बताउन सक्नुहुन्छ ?


जिरुड लचिलो खेलाडी हुन् । सुरुदेखि नै जिरुडका लागि यो कठिन थियो, ग्रेनोबलमा पनि । तर, उनी कहिल्यै हार मान्दैनन् । म उनलाई परबाट पछ्यारहेको हुन्छु । सायद जिरुडलाई बधाई दिनका लागि एक पटक फोन गरे होला । उनले अहिलेसम्म हासिल गरेका उपलब्धि उत्कृष्ट छन् र यसका लागि उनी योग्य पनि थिए । सानो समयका लागि भएपनि म उनको सहकर्मी थिए । उनी उत्कृष्ट खेलाडी हुन् । म उनले हासिल गरेका उपलब्धिहरुका लागि निकै खुसी छु ।

morocco1671019083.jpg

तपाईसँग खेलाडीका परिवारपनि सँगै हुनु कत्तिको महत्वपूर्ण छ, बताउन सक्नुहुन्छ ? 

मलाई लाग्छ यसले खेलाडीहरुलाई बलियो बनाएको छ । उत्तर अफ्रिकी भएका कारण हामी परिवारसँग निकै नजिक हुन्छौं । विशेषगरी आमासँग । आमासँग पर रहनु हाम्रालागि सँधै कठिन हुने गर्दछ । उनीहरुसँगको मायालु सम्बन्ध निकै बलियो हुन्छ र मलाई लाग्छ विश्वकपजस्तो चार वर्षमा एक पटक हुने प्रतियोगितामा आफ्नो बालबच्चासँगै यसको अनुभव गर्न पाउँनु निकै महत्वपूर्ण छ । 

उनीहरुसँधै हामीसँगै होटलमा हुँदैनन् । तर, हामीलाई उनीहरु धेरै टाढा छैनन् भन्ने पनि थाहा छ । हामी नजिक र सम्पर्कमा रहन्छौं र उनीहरुलाई खेलको दिन देख्छौं । हामीले जित निकालेको दिन तीन वा चार घण्टा उनीहरुले आमासँग समय बिताउँन पाउँने कुरामा हामी सहमत भएका छौं । जसका कारण उनीहरुले जितको खुसी आमासँग मनाउँन पाउँन । मलाई लाग्छ यसले खेलाडीहरुलाई थप उर्जा दिन्छ ।

खुसियाली कै कुरा गर्दा, खेलपछि तपाईलाई खेलाडीले हावामा उडाउँदा कस्तो महसुस हुन्छ ?

हामी खुसी हुन्छौं । हामी कुराहरु शेयर गर्छौं र एकसाथ सुखी हुन्छौं । उनीहरुले मलाई हावा उडाउँनु मेरो लागि महत्वपूर्ण कुरा होइन । उनीहरुलाई खुसी देख्न पाउँनु, उनीहरुले आफ्नो परिवारसँग खुसी बाड्नु र हामीले एकसाथ खुसी मनाउँनु नै मेरा लागि सबैभन्दा महत्वपूर्ण कुरा हो । यसले टिमको ‘स्पिरिट’ देखाउँछ ।

अन्तिममा, मोरक्को समर्थकका लागि के सन्देश छ ?

हामीलाई थाहाँ छ दोहामा आउने र मोरक्कोमै हाम्रो खेल हेर्नेहरु फ्रान्सविरुद्ध हामीलाई समर्थन गर्नेछन् । सदाझै हामी आफ्नो उत्कृष्ट दिनेछौं । राम्रो नजिता प्राप्त गर्नेछौं भन्ने कुरामा हाम्रो विश्वास छ र हाम्रा समर्थकहरुको पनि यही विश्वास छ । प्रतियोगिता सुरुदेखि उनीहरुले टिमप्रति देखाएको समर्थनलाई धेरै धेरै धन्यवाद दिन चाहन्छु । यो अझै समाप्न भइसकेको छैन । इश्वरको इच्छाः फ्रान्ससँगको खेल बाँकी नै छ । 

(रेग्रागुईसँग फिफाले लिएको अन्तर्वार्ताको भावानुवाद)
 

NIBLNIBL
प्रकाशित मिति: बुधबार, मंसिर २८, २०७९  १७:४१
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement