काठमाडौं । झापामा लागुऔषधसहित दुईजना व्यक्ति पक्राउ परेका छन् । 

मंगलबार राति प्रतिबन्धित लागुऔषध ब्राउन सुगर जस्तो देखिने खैरो लिसाइलो पदार्थ २१ ग्रामुहित दुईजनालाई पक्राउ गरेको जिल्ला प्रहरी कार्यालय झापा जनाएको छ । 

पक्राउ पर्नेमा अर्जुनधारा नगरपालिका ११ का ३४ वर्षीय दिनेश दर्जी र सोही स्थान बस्ने ३८ वर्षीय राजकुमार कार्की रहेका छन् । अस्थायी प्रहरी पोस्ट बसपार्कबाट खटिएको प्रहरी टोलीले उनीहरुलाई पक्राउ गरेको हो । 

दुवै जनालाई नियन्त्रणमा लिएर इलाका प्रहरी कार्यालय अनारमनी झापामा राखी थप अनुसन्धान कार्य भइरहेको झापाका प्रहरी प्रवक्ता प्रनाउ वसन्त पाठकले जनाकारी दिए ।