काठमाडौं । तिहार आउन अझै १२ दिन बाँकी छ । तर, अहिले बजार डुल्दा अनि गुलजार देख्दा लाग्छ, तिहार आइसक्यो । काठमाडौंका बजार आजकाल गुलजार छन् । तिहारको किनमेल गर्ने सर्वसाधारणको घुइँचो, झिलिमिली बत्ती, मिठाई मसला र फूलहले ढाकेको छ । तिहारले छुन हप्ता दिन अघिदेखि नै राजधानीका घरहरूमा झिलिमिली बत्ती बालिएको छ । तिहारलाई फूल, रङ र उज्यालोको पर्वको रुपमा लिइन्छ । न त जाडो, न त गर्मी । यो मौसम पनि आफैँमा मनमोहक लाग्ने खालको छ । सधैँ पैसाको कुरा र कारोबार गर्ने व्यवसायिक घराना, बैंक र बिमा कम्पनीहरू लक्ष्मीलाई आकर्षित गर्न बिजुलीको उज्यालोले झिलिमिली बनेका छन् । धनमाथि धन कमियोस् भन्ने उद्देश्यका साथ तिहारमा लक्ष्मीलाई पुजेर झिलिमिली बत्ती बाल्ने गरिन्छ । तिहार झिलिमिली बत्ती र फूलको पर्व हो । हेरौँ तिहारको पूर्वसन्ध्यामा न्युज एजेन्सी नेपालले कैद गरेका राजधानीमा तिहारको झिलिमिलीका केही दृश्य ।