काठमाडौं । प्रधानसेनापति प्रभुराम शर्मासित नेपालका लागि पाकिस्तानका राजदूत सयिद हैदर शाहले मंगलबार सैनिक मुख्यालय जंगी अड्डामा शिष्टाचार भेट गरेका छन् । राजदूत शाह आफ्नो कार्यकाल सम्पन्न गरी स्वदेश फर्कन लागेको अवसरमा सो भेटवार्ता भएको हो ।

उक्त भेटवार्तामा प्रधानसेनापति शर्माले राजदूत शाहले सफलतापूर्वक कार्यकाल पूरा गरेकामा बधाई दिँदै सुखद भविष्यका लागि शुभकामना व्यक्त गरेको नेपाली सेनाले जनाएको छ ।

यस किसिमको भेटवार्ताले दुई देशबीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको जनाइएको छ ।