काठमाडौं । महोत्तरीको लोहारपट्टी नगरपालिका–३ मा दुईवटा मोटरसाइकल आपसमा ठोक्किँदा एकजनाको मृत्यु भएको छ । एकजना गम्भीर घाइते छन् ।

गए राति करिब ११ बजे ज२प ३८९४ नम्बर र प्रदेश २ ०२ ००५ प ५८०० नम्बरका मोटरसाइकल आपसमा ठोक्किएका थिए ।

दुर्घटनामा गम्भीर घाइते भएका ५८०० नम्बरको मोटरसाइकल चालक स्थानीय २६ वर्षीय नसिब नदाफको उपचारका क्रममा जनकपुरधामस्थित गोदावरी अस्पतालमा मृत्यु भएको जनाइएको छ ।

घाइते भएका अर्को मोटरसाइकल चालकको पनि सोही अस्पतालमा उपचार भइरहेको इलाका प्रहरी कार्यालय लोहारपट्टीले जनाएको छ ।