काठमाडौं । गृहमन्त्री बालकृष्ण खाँणले पर्यटनमन्त्रीको निर्देशनमा प्रहरी हिरासतमा रहेका गरूड सेक्युरिटिजका सुरक्षा गार्ड शेरजंग गुरूङलाई रिहाइ गर्न निर्देशन दिएका छन् । गृहमन्त्री खाँणले सोमबार काठमाडौंका प्रमुख जिल्ला अधिकारी गोविन्द रिजाललाई प्रक्रिया पुर्याएर सुरक्षा गार्ड गुरूङलाई रिहा गर्न निर्देशन दिएका हुन् ।
 
संस्कृति, पर्यटन तथा नागरिक उड्डयन मन्त्री जीवनराम श्रेष्ठले आफूलाई दुर्व्यवहार भएको भन्दै गुरुङविरुद्ध असन्तुष्टि जनाएपछि ठमेलस्थित छाया सेन्टरमा रहेको भीएफएसका सुरक्षा गार्ड गुरूङलाई  प्रहरीले आइतबार हिरासतमा लिएको थियो ।

भीएसएफमा बायोमेट्रिक्सका लागि पुगेका मन्त्री श्रेष्ठलाई गुरूङले लाइनमा बस्न आग्रह गरेका थिए । त्यही विषयमा मन्त्री श्रेष्ठले विवाद गरेपछि उनलाई पक्राउ गरिएको थियो ।