काठमाडौं । राष्ट्रपति विद्यादेवी भण्डारीसँग छलफल गर्न प्रमुख प्रतिपक्ष दल नेकपा (एमाले)का नेताहरू शीतलनिवास जाँदै छन् । अहिले बेलुका ५ बजे वरिष्ठ नेता ईश्वर पोखरेल, उपाध्यक्ष सुवास नेम्वाङलगायत नेता छलफलका लागि शीतलनिवास जान लागेका हुन् ।

नागरिकता विधेयकका विषयमा छलफलका लागि जान लागेको एक नेताले जानकारी दिए ।

आजै राष्ट्रपति भण्डारीसँग प्रधानमन्त्री एवं सत्तारूढ दल नेपाली कांग्रेसका सभापति शेरबहादुर देउवासहितका पदाधिकारीले भेटवार्ता गरेका थिए ।

यस्तै, राष्ट्रपति भण्डारीसँग गएको शनिबार लोकतान्त्रिक समाजवादी पार्टी (लोसपा)का नेताहरूले नागरिकता विधेयकका विषयमा छलफल गरेका थिए ।